Archive for Author Krissa

Norræn leikskólaráðstefna

Dagana 13. og 14. október verður haldin hér á Akureyri norræn leikskólaráðstefna.

Þáttur í ráðstefnunni er vinnusmiðjur sem haldnar eru í leikskólum á Akureyri. Ein slík verður haldin hér hjá okkur föstudaginn 14. október. Um er að ræða eina vinnusmiðju fyrir hádegi og aðra eftir hádegi. Við eigum því von á 30 norrænum gestum þennan dag.

Lubbi finnur málbein í Krakkarúv

Lubbi verður í Krakkafréttum á RUV nk fimmtudag, sumardaginn fyrsta. Þá verður sýnt frá upphafi Lubbaleiksins í leikskólunum Jötunheimum á Selfossi og Iðavelli á Akureyri. Lubbi hvetur ykkur til að fylgjast með. Hvaða málbein ætli börnin hjálpi Lubba að finna?

Fjölskyldufjör föstudaginn 5. febrúar !

Kæru foreldrar og forráðamenn
Það styttist í okkar árlega fjölskyldufjör, en það verður haldið föstudaginn 5. febrúar, milli 14:30 og 15:30.
Það verður sama snið á þessu og verið hefur; þ.e. allir koma með eitthvað á kaffihlaðborðið og svo njóta allir saman. Hugmyndir að framlögum fyrir deildirnar fylgja hér á eftir.
Vinsamlegast athugið að allt sem komið er með verður að vera alveg 100% tilbúið til að fara á borðið, þar sem eldhúsið verður ekki opið meðan á þessu stendur. Við höfum því ekki tök á að brytja neitt á staðnum, raða því á bakka, hita eða neitt slíkt.
Eins þurfa foreldrar að taka diska/föt/áhöld sín með sér heim strax eftir viðburðinn – það verður ekki hægt að vaska neitt af þessu upp í eldhúsinu á Iðavelli. Það var reynt í fyrra en gafst ekki nógu vel, þannig að nú verður eldhúsið bara læst og ekkert gengið um það.
Hugmyndir fyrir deildirnar:
Álfheimur: ávextir, snúðar eða muffins
Glaðheimur: kaldir brauðréttir, pizzasnúðar eða smákökur
Þrymheimur: skúffukaka, kleinur eða kex og salat
Jötunheimur: niðurskorið grænmeti, osta-/skinkuhorn eða pönnukökur
Að sjálfsögðu er frjálst að koma með eitthvað sem ekki er á þessum lista; hann er bara til að gefa hugmyndir og reyna að tryggja að ekki komi allir með það sama.
Vonandi sjáumst við sem flest,
f.h. stjórnarinnar,
Urður Snædal

Skólahald á Akureyri – óveður og/eða ófærð

Þar sem veðurstofan spáir fárviðri um landið í nótt og fram eftir morgni vill skóladeild Akureyrarbæjar ítreka að gengið er út frá ákveðnum samþykktum vinnureglum um skólahald við þessar aðstæður. Það er alltaf á ábyrgð foreldra að meta hvort óhætt sé að senda barn í skóla. Fræðslustjóri sér um samskipti við lögreglu fyrir hönd skólanna og í ljósi þeirra samskipta er send út tilkynning á RÚV og Bylgjunni hvort skólahald sé fellt niður þann dag. Gert er ráð fyrir að fyrsta tilkynning sé birt kl. 7:00 að morgni.

Skólahald á Akureyri – óveður eða ófærð

« Older Entries